| La Poésie Comorienne |
|
Hadji Mbaé Madi mise à jour 12/06/2008 |
 |
L'Auteur |
|
[1]-
Masikitifu ya yintsi ya comores [2] - Radhi za Baba na Mama [3] - Wuhayati mwema waduniyani [4] - Mcomori Farantsani [5] - Comori masiwa mane |
|
|
[1]-
Masikitifu ya yintsi ya comores Masikini yi comori lewo yifiwa ndrazi . Duwa nyendji riwombeye ripare wusalama wahatru masiwani Wacomori walemewa wahimi shanyishi mkutruwo wahafula Wawuremana mizinga lewo pvowaduwala wunanya wa aswili Mgu ripve subira ritsahe shawiri ripare amani... Risilewe nashawiri lawawo waliyondro be ngeri tambani Comori ritsanganyihe ritsahe wumodja wahatru masiwani Nfarantsa waye tsi twama yawasi wulinda narike madhwamana Lewo zisikitishawo tsena zitsesawo Ngopvo wahima wudayi wuhuhuru wa masiwa rarenga yano maha Zino de zinatidja za maha mendji tsena yawudhulumiyina Kula aliyo dhwamana kadji wurengeledza mayesha yawatiti Mbiyo mbiyo awaniye nakula nfayida za hatru djimla Lewo zirirambushiya kapvusu wudhwamana suala ngelipvapvo Comori ritsavganyihe ritsahe wumodja wahatru masiwani Nfarantsa waye tsitwama yawasi wulinda narike madhwamna Nfarantsa waye de twama yawasi wuanfiha ? Suala tsiwudzisa namunipve djawabu bo wanyu madhwamana Wacomori walemewa kulasuku truliya wala kayina mwiso Sontsi riki madhwamana rikentsi ritwaliye rilishe wunyonyadji Nfarantsa ye kazidji pvahano zalawiya raha namcomori Narikentsi ritwaliye ritsahe taratibu yawudji rekebisha Comori ritsanganyihe ritsahe wumodja wahatru masiwani Nfarantsa waye tsi twama yawasi wulinda narike madhwamana Hadji Mbaé Madi hadjibec@yahoo.com hadjibec@hotmail.com |
[2] - Radhi za Baba na Mama Wananyasi wacomori lewo tsijda nimwabiyeni Bandhwi zawana fikira rike radhi rizidunge Lanla mola djalali waye atso rihifadhwi Handani de wari dzaya wawo watsoka sibabu Wasi rindjiye maoroni awu rindjiye moroni Yizo kazisina chaka rasulu azi pvenuwa Fikiri mwana wudjuwe wuka mama atambiha Mezi chenda yahamili yawu yenchi bila raha Yili wudje duniyani wuke nadzi badala nkoma Mbaba pvahe kalala wala kasadza djitihadi Mitsana nayi mawuku hawutapiliya riziki Yili wuke dja wanyaho mwanadamu nawutukufu Wasubiriya tambu zahaho zakula suku Chiliyo cha dayimani mitsana nayimawuku Tsiraha wala furaha mayecha yawusongefu Radhi za baba na mama narihime rizi tsahe Wuzipara zo tsi ndziro mhimu de wu twinvu Zidje zike lakilie yatru yayiu mayecha ya meso Nguvu za baba na mama wawe kuchindi wuzilipva Tsi duniya tsi ahira wala muda walahadhwa Zindjema wudjo warenda zinfayida za haho piya Risike dja wangamiya wadunga hawa ya duniya Tsi twabiya tsi ankili nawu yenchi bila haya Madjintso watso yawona duniyani na ahira Hadji Mbaé Madi hadjibec@yahoo.com hadjibec@hotmail.com |
|
[3]
- Wuhayati mwema waduniyani Wurenda ndjema zo mhimu twabiya zakisilamu Msayidiyano mwendji mavuna yahayo tamu Sontsi piya ngeridjuwawo kama tudini tu danu Rongowa kweli dahoni wuditriye mahabani Marengweni wutso rengwa hahichima na amani Wutso yenchi furahani kiyama wende mbepvoni Wami tsika na mwandzani ridungana muda zamani Yizo ako nihambiya tside ziliyo rohoni Tsihomo wurambuchiwa wuka tsimdru amini Tsunguwa ndro ti mwandzani sidja meso ahunasa Wumlapvise amini hawutrawa kula chaka Wandzani wulawa hale wusilamu namaha Ndola ndjema yawayili watsungulana hakweli Msidunge sura ndjema dini yike yahandani Yili meso mtsangise mbewu ndjema ya awili Mdrumche tsi mdrumwa wala tsi mdru wahazi Msayidizi wadaho mfawume wawu lezi Suala lahe mdjibu badala ya wumpuzi Namdru mme tsi chuma tsi gari lawu hendesa Yiyo sitara yadaho adhwamini yi mayecha Neka adja mhimbiye wumlaliye dja mwana Malezi mema tsi chahula tsi nafasi ya mayecha Riwono wendji wafanya zi natidja tsi mwafaka Niya modja nafikira zo wuchinda ziwangusa Naridjuwe sontsi piya wuka ngeri madhwamana Wusilamu kawasadza wupvenuwa bila chaka Neheka ripotelezaza kiyama ritso hunkutrwa Hadji Mbaé Madi hadjibec@yahoo.com hadjibec@hotmail.com |
[4] - Mcomori Farantsani Wananyasi farantsani namhimeni hakweli Wuhuriya wo mhimu hamwanadamu wakweli Yili ayenchi mgwana natwabiya zalingana Mfarantsa tsi mwandzani tsi twama yatru comori Arumu yi waze watru maha mendji hakahari Nawurenga zi nfayida nawumenya rike huri Wuhuriya pvo rarenga akusuruha rohoni Aribuliya zindziya zawenda wumsudjudiya Yili rirenge maratha mayi yawu ritsambadza Namdjuwe nyontsi piya wuka ngomu madhwana Maha mendji mwayapvitsa hatambu namachaka Yili mtume mapesa hawudja wu fanya anda Wusilamu kawabalidza pwapvwa laho namahaba Yawu djidjusa makamu nawufunga mikataba Harumwa yi wanadamu mdjini wuke nathika Neka wudungu mipaka yabwana mgu aripva Hawutrawa wumenyefu wamali na yizi traka Wazituma maha mendji yaho wayapvitsa manga Mwahirudi masiwani msikiri msubilwa Nabandhwi yazikwindi zadji hentsi malahoni Yili mdje mswarifu mafunvu yaki hirimu Madjumba myalalawo nyontsi piya farantsani Namagari marahafu mapvareni hanafasi Yizo wandru wazituma waka djawasi zamani Waswiya nimbawoni namsome ya tahehi Ya zintsi nku matadjiri yili msike wadjeni Chatsonga zaheya wudju tsi anda namachuhuli Comori nge yinadiwo msomo mwendji na mali Zidungane na imani nafikira zakiwatwani Yili rike djawanyatru rike nantsi yawufahari Machababi wacomori mwadjipara Farantsani Msikiri mhadalwa mwarumilwa dja malaba Wanyu wana wacomori damu yanyu kayasadza Msi duwale misomo muyecheleye miheso Msilevihe namali natumo lawuthililifu Namrege zitwabiya ndjema zakibinadamu Nawusilamu de dini yanyu yaki wuwanzdani Yikawo de mwayirithi nawaze waki aswili Nacomori de makazi mema yanyu ya athari Yawanyu wu yaredjeya meso neheka zi gongo Muhono muyi wamdru mdru kadji wukutruwa Nfarantsa tsi mwandzani tsi twama yatru yandani Hadji Mbaé Madi hadjibec@yahoo.com hadjibec@hotmail.com |
|
[5] - Comori masiwa mane Rangu suku nahandisa wupvanga hachicomori Tsihandisa hayudayi twabiya zatru zandani Ata tsichuku ndzaiyani malahoni namarengweni Hawutsaha hunesa nawudjisoma handani Wuka pvano mwanadamu de twabiya na yimani Msomo bila twabiya madji yatrilwa trawani Nambadzi mcomori waye kalicha wunadi Ngejumwa wudji pvorowa nawutowa zaka ndani Yino mwandzani wakweli ngedjumwa wumtsahani Duwa zatru karalicha habwana mungu kalala Aribuliye bahati nakibala yaharaka Abandzuse yicomori hatambu namachaka Comori wasi wudjulwa wuka wasi masilamu Lakini rahingaliya twabiya zatru hakweli Yizo kazisi dungana nakuruani karimu Yiyo deya riwonesa wunanya waki wandzani Rangu suku riko renga wuhuriya wazamani Wasi ripvana miyadi sontsi piya masiwani Rangu muhu ramtiti sontsi piya wacomori Knoyo modja nafikira ndrongo mbili zadhwaruri Zalazimu rizi pvame zike lulu yacachani Wasi wana madja lewo fikira rimbawoni Madhwamana wacomori waze wtru wazamani Comori lino tsichamba lamanyahuli yakini Wumhimu tsi bwaniso wufawume wa masiwa Kula adjoka mwafaka nakibala nawusawa Wumhimu yiwanantsi walawe ndza wake sawa Nawudjuwa yiwandzani walazimu wake ntocha Tambu zisiritowe haya zari hafilicha Mwiso radji lisasumu radja radji hatimicha Yano maha thalathini yazidi yawuhuriya Ndrongo drini dera fanya masiwa ya comoriya Ankiba yipvi rahentsi yiwana watru wapviya Rahi kentsi ringaliya zintsi razi tranguliya Secheli riko waleya chahula na ndrongo piya Morissi wakoriswifu rika nachawurileya Namlicheni zimbwana zamstambazdo masiwa Mawore pvo yarilawa karapvendza karadjuwa Wala karawomba duwa wananyasi warilawa Beyizo piya wudjulwa chakweli kachi poteya Mawore yitso regeya rangu mizi mamimeya Narikentsi riwalinde riwapeleye zindziya Narike hawu wandzani nawunanya warohoni Yili ridjuwe riwane na andwiyi wahandani Mkolo waye tsi twama andwiyi watru zamani Baruwa rimbawoni marayisi wamasiwa Namsane mtsanganye niya zanyu zike modja Tarehi yitso pvenuwa zakweli mbeli zahidja Wacomori watukufu risikiri rihadalwa Comori masiwa mane ridji lele hawusawa Mawore na wandzuwani mwali nawangazija Hadji Mbaé Madi hadjibec@yahoo.com hadjibec@hotmail.com
|
|